Багц аялал

Жэжү аялал

Үнэ: 2,390,000₮

Доорхи мэдээлэлтэй холбоотой асууж тодруулах зүйлсийг 99083650, 88050850 утсаар лавлана уу.

ШУУД НИСЛЭГТЭЙ ЖЭЖҮ АЯЛАЛ /4 Шөнө 5 Өдөр/

Өдөр 1:  Улаанбаатар – Жэжү арал

Улаанбаатар хотоос өглөө 06:15 цагт МИАТ-н шууд нислэгээр Өмнөд Солонгосын үзэсгэлэнт Жэжү арлыг зорино. 

Жэжү хотын ОУ-н нисэх онгоцны буудалд 12:00-д буун хилээр нэвтэрсний дараа хөтөч, зохион байгуулагчид таныг гарын бэлэгтэй угтан авна.

Өдрийн хоолны дараа “Ер бусын зам буюу чөтгөрийн зам”-д очиж сонирхоно. Жэжүгийн нэрийн хуудас болсон энэ зам дээр автомашин мотороо унтрааж зогсоход газрын өөдөө өөрийн инерцээрээ хөдөлдөг тул та очиж нууцыг нь тайлаарай.

“Love Land” буюу Хайрын цэцэрлэгт хүрээлэнгээр /зөвхөн насанд хүрэгчдэд/ зугаалж дурсгалын зургаа татуулна.

"Ice museum"-д  мөсөн хотхонд сэрүү татуулан зочилж, 3D зургийн хүрээлэнд зургаа татуулж аялалдаа дурсамж нэмнэ. Зураг бүрийн хажууд хэрхэн зургаа татуулах тайлбартай тул бодит мэт зурагаа авахуулаарай.

Оройн хоолоо зооглосны дараа зочид буудалдаа бүртгэл хийлгэн амарна.

Хоол: Өглөөний хоол онгоцонд, Өдөр, Орой

Өдөр 2:  Жэжү арал

Өглөөний цайны дараа Монгол морин циркийн тоглолт үзэж сонирхоно. Энэ циркэд Монгол авьяаслаг хүүхдүүд тоглодог тул бахархах сэтгэл өөрийн эрхгүй төрүүлнэ.

Өдрийн хоолны дараа усан онгоцоор нэг цагийн турш зугаалж арлын урд хэсгийг Номхон далайгаар аялангаа танилцана. Усан онгоцны аяллын замын турш тайлбар болон тоглолт байнга явагддаг.  

Дараа нь байгалийн  үзэсгэлэнт “Жонбан хүрхрээ”-г үзнэ.  Энэ нь Жэжүгийн үзэсгэлэнт 3 хүрхрээний нэг бөгөөд далай руу шууд цутгадаг цорын ганц хүрхрээ юм. Хадан дээр нь амрах зуур Жэжүгийн шумбагч бүсгүйчүүдийн барьсан далайн бүтээгдэхүүнийг амтлахыг зөвлөж байна. Дараа нь  галт уулын хайлмаг болорын талст шиг цацарсан “Зургаан талст хад”-ыг үзэж сонирхоно.

Оройн хоолны дараа зочид буудалдаа ирж амарна.

Хоол: Өглөө, Өдөр, Орой

Өдөр 3: Жэжү арал

Өглөөний цайны дараа бэлэг дурсгалын дэлгүүр, Солонгосын алдартай гоо сайхны барааны дэлгүүрээр орно.

Өдрийн хоолны дараа Юнескогийн байгалийн өв болсон “Нар Мандах Оргилд” очно. Тэнд тусах нарны туяатай хосолсон далайн үзэмж үнэхээр гайхалтай билээ. Дараа нь бид Монголчуудын сайн мэдэх “Амьдралын ээдрээ” киноны зураг авалт хийсэн газар очно. Намрын талд алаглах зэрлэг цэцэгс нь энэ хавьдаа ер бусын романтик орчин бүрдүүлдэг.

Оройн хоолоо идээд буудалдаа очиж амарна.

Хоол: Өглөө ,Өдөр , Орой

Өдөр  4 : Жэжү арал

Энэ өдөр бол чөлөөт өдөр. Та өөрийнхөө тааваар хүссэн зүйлээ хийж өнгөрөөнө.

Таны байрлах зочид буудал нь Жэжү хотын төвд тул та шоппинг хийх, казино тоглох, далайн наран шарлагын газар очих зэрэг өөрийн сонирхлоор өнгөрөөнө.

Энэ өдөр хөтөч, унаа үйлчлэхгүй

Хоол: Өглөө

Өдөр 5: Жэжү арал– Улаанбаатар

Өглөөний цайны дараа зочид буудлын өрөөг хүлээлгэн өгөөд татваргүй барааны дэлгүүрт очиж худалдаа хийнэ. Дараа нь арлын нэрийн хуудас болсон байгалийн үзэсгэлэнт тогтоц бүхий “Луун толгойт хавцал”-д очин далай харж, дурсгалын зургаа авахуулна.

Өдрийн хоолны дараа Халлим цогцолбор паркаар зугаална. Дотроо 9 хэсгээс бүрддэг ба галт уулын дэлбэрэлтээс үүссэн агуй болон Жэжү арлын уламжлалт байр, сууцнуудыг сонирхон, сафари шувууны хүрээлэн, чулуун урлалын үзмэр, халуун орны ургамлын ботаник цэцэрлэгээр зугаална.

Оройн хоолоо идээд онгоцны буудал руу хөдөлнө.

Жэжү арлаас 21:45 цагийн нислэгээр нисэж Улаанбаатарт 01:00 цагт бууснаар бидний аялал өндөрлөнө.

Хоол: Өглөө, Өдөр, Орой

Багц аяллын үнэ:

2’390’000 төгрөг

1950’000 төгрөг / 2-12 настай хүүхэд буудалд оргүй/

150’000 төгрөг /0-23 сартай хүүхэд/

Багц аяллын үнэнд юу багтсан бэ?

- Жэжү хотын төвд 4 одтой зочид буудал (2 хүн нэг өрөөнд)

   Усан бассейн, фитнесс, хүлээн авалтын танхим зэрэгтэй шинэ зочид буудал

- Хөтөлбөрт заагдсан бүх үзвэр, үйлчилгээний тасалбар

- Хөтөлбөрт заагдсан хоол

- Аяллын турш үйлчлэх агааржуулагчтай тохилог автобус

- Нутгийн хөтөч, Монгол хэлтэй орчуулагч

- Аяллын иж бүрэн даатгал

Жич:

- Зочид буудалд ганцаараа орвол нэмэлт төлбөр төлнө.

- Тухайн үеийн болзошгүй хүчин зүйлээс шалтгаалж хөтөлбөрт өөрчлөлт орж болно.

- БНСУ-д хууль бусаар оршин сууж байсан бол Жэжүгийн хилээр нэвтрүүлэхгүй болно.

- Гадаад паспортын хүчинтэй хугацаа аялал эхлэх өдрөөс хойш 6 сараас доошгүй хүчинтэй байна.

;