Багц аялал

Cэбү аялал /Филиппин улс/

Үнэ: 3,390,000₮
Огноо: 2019-03-13 - 2019-03-17

Доорхи мэдээлэлтэй холбоотой асууж тодруулах зүйлсийг 99083650, 88050850 утсаар лавлана уу.
 

СЭБҮ АЯЛАЛ / 4 ШӨНӨ 5 ӨДӨР

Өдөр 1: Улаанбаатар – Сэбү арал

Улаанбаатараас өглөө 07:30 цагт хөөрч Филиппин улсын Сэбү аралд өдөр 13:45 цагт бууж хилийн шалганаар гарсны дараа хөтөч зохион байгуулагчтай уулзана. Өдрийн хоолны дараа зочид буудалдаа очиж бүртгэл хийлгэн амрана. Оройн хоолоо зочид буудлынхаа ресторанд зооглоно.

Хоол: Өглөөний хоол онгоцонд, Өдөр, Орой

Өдөр 2: Мактан арлын Хоппинг тур

Бүтэн өдрийн далайн Хоппинг турт хамрагдана.

Усанд шумбах дасгал хийсний дараа далайд сэлж, снорклинг хийж, далай дээгүүр завьтай аялал хийн бүтэн өдрийг сонирхолтой, шинэ зүйл хийж зугаацаж өнгөрөөнө. Үүний дараа 1 цаг алжаал тайлах массаж хийлгэнэ.

Оройн хоолоо алдартай Филиппин хоолны ресторанд зооглоод зочид буудалдаа очиж амарна.

Хоол: Өглөө, Өдөр, Орой

Өдөр 3: Мактан болон Сэбү хотын аялал

Өглөөний цайны дараа хотын аялалдаа гарна.

Мактан Санто Нино “Mactan Santo Nino” сүмд зочлоно. Энэ бол их түймэрийн үеэр сүмийн бүх юм шатаж үгүй болсон ч бяцхан Есүсийн хөшөө ганцаараа үлдэж байсан түүхтэй ариун дагшин газар гэдгээрээ алдартай сүм юм.

1521 онд анх Сэбү арал дээр хөл тависан Испаний иргэн Фердинанд Мажелланы загалмайг үзэж сонирхоод

Испанийн колончлолын эсрэг эрэлхэгээр тулалдаж байсан үндэсний баатар Лапү лапүгийн дурсгалын хөшөөг үзнэ.

Өдрийн хоолоо зооглосны дараа Сэбү хотод шоппинг хийнэ.

Оройн хоолны дараа зочид буудалдаа бүртгэл хийлгэн амарна.

Хоол: Өглөө, Өдөр, Орой

Өдөр 4: Мактан арал

Өглөөний цайны дараа энэ өдөр чөлөөтэй амарна.

Та өөрийн дураар далайн эрэг болон буудлын усан санд өнжиж, эсвэл казино, шөнийн клубээр орж цагийг чөлөөтэй өнгөрүүлэх боломжтой.

/Энэ өдөр хөтөч,хоол, унаагаар үйлчлэхгүй болно/

Хоол: Өглөө

Өдөр 5: Сэбү арал -Улаанбаатар

Өглөөний цайны дараа чөлөөт цаг. 12 цагт зочид буудлын өрөөг хүлээлгэн өгөөд чөлөөтэй. Дараа нь тогтсон цагт цуглан Сэбү ОУ-н нисэх онгоцны буудал руу хөдөлнө. Сэбү арлаас 17:00 цагт хөөрч Улаанбаатарт 23:20 д бууснаар манай аялал өндөрлөнө.

Хоол: Өглөө,  Өдөр, Оройн хоол онгоцонд

Аяллын үнэ:

3’390’000 төгрөг /том хүн/

3’190’000 төгрөг /2-12 насны хүүхэд/

250’000 төгрөг /0-2 насны хүүхэд/

Үнэд багтсан:

  • Онгоцны тийз, такс /2 талдаа/
  • Зочид буудлын 2 ортой, энгийн өрөө
  • Хөтөлбөрт заагдсан үзвэр, үйлчилгээ
  • Хоол, унаа, хөтөч
  • Аяллын иж бүрэн даатгал

Жич:

  • Нисэх буудлын такс 15 ам. доллар багтаагүй.
  • 10 хүртлэх хүнтэй групп аяллын үнэ ба аялагчдын тоо өөрчлөгдвөл үнэнд өөрчлөлт орно.
  • Зочид буудалд ганцаараа байрлах бол нэмэлт төлбөр төлнө.
  • Тухайн үеийн болзошгүй хүчин зүйлээс шалтгаалж хөтөлбөрт өөрчлөлт орж болно.
  • Аяллын явцад гарах цайны мөнгө ороогүй.